>> zum Quickie >> Bilderspaziergang um den See

 

 

Sauerkirsch spielt am Wössner See

Sauerkirsch Texte!

 

 

Des geile Sax

I mag koan Mambo und koan Samba net
und scho`gar koan Katzenjammer,
I mag nur no des geile Saxophon

I mog koan Hip und Hop und a koan Rapp net,
des is ois da selbe Dreck,
I mag nur no des geile Saxophon

Des spuid Rock Rock Rock!
Des spuid Rock Rock Rock!
Des spuid Rock Rock Rock!

I mag koan Tango und a koan Lambada
hey`ba bari ba d`Sach werd`oiwei fahda,
I mag nur no des Geile Saxophon

Hey Sepp

Hey Sepp wo gehst denn du mit dem ganz´n Geld jetzt hi
I sog hey Sepp wo gehst´n mit dem ganz´n Geld jetzt hi
I geh aufi an Woid und suach an Jager
woaßt eh daß er gestern mein Bruder daschoß´n hod
Aber vorher geh i no obi in´s Dorf
und hol mir a Pulver und a G´wehr

Aber vorher ...
Und dann schiaß i eam sein ganz´n Woid leer
jede Gams, jeden Hirsch, jed´s Reh
und dann pack i man de Sau .... jawoi ...

I sog hey Sepp wo gehst denn du mit dera Büchs jetzt hi
I sog hey Sepp wo ...
Du woaßt doch i suach an Jager
dann schiaß i eam an ganz`n Woid leer
und dann is a Ruah da herob´n

Hey Sepp i hab g´hört daß du scho moi oan
hint umibracht hast
Hey hey Sepp i hab g´hört ...
Wahr is des war a, a Jager
der damals mein Vater einfach von hint´n
daschoß´n hod de Sau ...Jawoi ...

I sog hey Sepp i moan es war gscheiter
du stellst di selber de Gendarm
I sog hey hey Sepp i moan ...
I woaß wenn i a glück hab nehmans mi gar net glei mit
sondern sperr´n mi da herob´n erst a moi ei
Dann konn i noamoi außeschaug´n an Woid
zu de Berg zu de Gams und zum Wasserfoi
Wias ausgeht wann´st abhaust
des brauch i dir ja net sag´n
des woaßt ja selber a

Se ham dein Bruder dawischt dein Vater ins Kreuz gschoß´n
und dir wurd´s bestimmt net ander´s dageh


I mog koan Montag

Jedes Wochenend wann i so z´ruck denck, war für mich ein
großer Grauß. Denn jeden Montag in da Fruah hoaßt´s,
steh jetzt endlich auf, s´Bett wär doch no so sche warm g´wen
und drauß´n liegt scho Schnee

I bin miad, koa Grund net und mi friert, koa Grund net

I möcht doch nur lieg´n blei-ei-ei-eim

Sog warum, I mog koan Montag
Was mog´st´n du, I mog no lieg´n bleib´n
Sog warum, I mog koan Montag

I möcht nur noch lieg´n bleib´n den ganz´n Dog

De ganze Woch´n schind´st di ab für so an blöd´n Job
Wenn wenigsten´s des Pulver stimmert wär´s gar net so lob
Am Wochenende has´t dann frei

ja da schütt´st dann in dich nei

Dir brummt da Kopf, koa Grund net
Dir stinkt da Job, koa Grund net

Du möchst doch nur lieg´n blei-eim - Sog warum ...

Und hast du moi an Zahn im Bett am Sonntag in da Nacht
De ganze Woch host onedo und jetzat hätt´st es g´schafft
Kaum steht da Zoaga auf sechse dann mußt du wieder raus

Dir brummt da Kopf ...

Irgenwann amoi des woaß i gwiß tram i den ganz´n Dog
Oh oh Arbeit nur, wenn überhaupt, dann wann i mog
Bei jedem Schmarr´n bin i dabei

Ja es kannt net schöner sei

Dir brummt da Kopf

... Sog warum ... Sog warum ...

 

Mei Mama hat gsag´t

ei Mama hat gsag´t ...

Buam sauft´s net so vui
geht´s wieder moi in d´ Schui

vom Schnaps do werd ma bläd
daß ohne Schnaps nix geht

des Raucha bringt di um
vom Streaffen werd´n di Finger krumm

Ah geh laß ma doch mei Ruah ...

Deine Haar sand vui z´lang
mit euch da werd ma Angst und Bang

du hast a Oaß´n drin im G´sicht
aber ausdruck´n derfst es nicht

A geh laß ma doch mei Ruah ...

um zehne bist da´hoam
dei Musi is vui z´laut

dua den Ring aus de Ohr´n
ma derf net Nasenbohr´n

Ah geh laß ma doch mei Ruah ...

 

Sowas stinkt ma

Konns´t ma an Fünfa leich´n
sagt da Toni zu mir
und nach zwoa Woch´n sogt er
davo woaß i nix mehr

Ja sowas stinkt ma
Glaubt´s ma´s Leut´ln
sowas stinkt ma
Wer mi für blöd verkauft
ja dem leg i oane auf
weil sowas stinkt ma

Neulich woll´t i mit da Rosi
moi oan sauf´n geh
und an da Bar langt so a Schmierer
an ihr´n Bus´n hi

Ja sowas stinkt ma ...

Ja i konn´s halt moi net leid´n
wann mi oana b´scheißt
er mir in´s G´sicht lacht
wann er si umdraht
si´s Maul zerreißt

Ja sowas stinkt ma ...

Ja i konn´s halt moi net leid´n
wann mi oana b´scheißt
er mir in´s G´sicht lacht
wann er si umdraht
si´s Maul zerreißt

Ja sowas stinkt ma ...

 

Stankahanisch

I bin gwiß net recht vui blöder
wia de meist´n da herin
Geh in´d Arbeit weil i muaß
dad a liaber Musi spuin

I war in da Schui
und a a braver Ministrant
I hät scho anders woll´n
wenn i nur anders kant

I werd stocknarrisch
furchtbar stocknarrisch
es is hoid

I bin stankahanisch zu jeder Zeit

... zu jeder Zeit ...

I loan grad an da Bar
und hob mi furchtbar sche frisiert
I schaug ma um an Has´n
weil´s ma heut scho recht präsiert

Du bist a recht a Nette
na wia wär´s denn mit uns zwoa
Sie sogt, wenn´s mi so oschaut
bleibert´s liaber glei alloa

I werd stocknarrisch ....

 

Stell di net so o

eisten´s geht´s ma guad
manchmoi geht´s ma schlecht
renn i auf und ab und
woaß net was i möcht

Schlaf am Stammtisch ei´
oder auf´m Klo
Nacha weckn´s mi und sog´n
oane geht scho no

Stell di net so o ...

Auf halben Weg nach Hause
halt´s Auto o
aussteig´n und blas´n
sogt a greana Mo

Jetzt hat´s an Beutl zriss´n
wos schaus`t mi so deppert o
Do gib i dir an Fuch´zger
und dann paßt des scho

Stell di net so o ...

Jede Nacht des selbe
jede Nacht werd´s Friah
Do zech i mit den Ander´n
späder kimm i no zu dir

Leise über d´Trepp´n
leise übern´n Hund
Nackert unter d´Decken
aber dann geht´s rund

Stell di net so o ...

 

Heb dein Rock auf

Heut da laß´mas kracha
heut da mach ma Sacha
Wia früher nach da Schui
des guade oide Spui

Zerscht müss´n ma nach Minga
und furchtbar narrisch dringa
In irgend so an Lad´n
da werd´ns scho sowas hab´n

Danz´n an da Stanga
i möcht a higlanga Dirndl
I bin heut so bremsig
Sowas is mei Wedda - jetzt sing´t jeda

Heb dein Rock auf
Heb dein Rock auf Dirndl
Schädl´t über´n Bod´n
beitel´t deine Zod´n

Weg mit deine Griffe
sonst kriagst glei an Riffe
Bratz´n vo ihr´n Mieder
sonst werd i no zwieda

Wos glaubst´n du, du Depp
daß i dir oane drett
Laß de Dirndl tanz´n
und um de Hocker schwanz´n

Startseite Aktuelles Zum See Anfahrt Kontakt Unterkunft links Kleingedrucktes
Wössner See im Winter